شعر ع بلادي الحبيب ( العراق )

يريدونك تضيع وانتة نور بليل *** وتموت من العطش يالماي يردونك

ويضيعونك عجيب وانتة مثل الريح *** وين بيا مكان اتضيع يلكونك

مشوك بدرب ما مات جدمك بيه *** وحتى اتضيع كلش شدو اعيونك

وغشو عينك وايدك مزنجلة ومجتوف *** تهد هدة اسد لو ناس ينخونك

يل المغفي الجمر منقلة وبيك اتنام *** وهمة رماد موكة ما يجوونك

اذا ظلك طلعته وظل وراك ايحوم *** ابد لتخاف منهم ما يظلمونك

عاشرنة التعب والاه والحرمان *** كلها لخاطرك ولخاطر اعيونك

صرنالك جسر للنجم عبرناك *** وصغنة من الحزن ضحكات لعيونك

تعلكنة قطع سودة وعليها ارواح *** ما جنة قطع لا كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عركك بالارض ميموت *** ترد تحيه وتعيش شما يكطعونك

ذاك حسين حي وصير انتة مثل حسين *** بالشدة الخريطة اتصير ميمونك

يااااا مدري شوصفك شرد اكولن بيك *** عراق والعمر ما يسوة من دونك

ليلى انتة صرت والمثل ما ينقاس *** وشعبك من محبتك صار مجنونك

رائع رائع جدا
تقبلي مروري

منوره حياتي

مشكوره ع ردك

رووعة
تسلم يالعراقـــيي

تسلمين ع ردج
عيوني
منوره

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب